Staðreyndir um mænuskaða

Áætlað er að um 3,5 - 4,5 milljónir manna í heiminum búi við mænuskaða vegna slysa. Á Íslandi er talan rúmlega 100 manns.

Varlega áætlað eru um 250.000 - 300.000 einstaklingar í Bandaríkjunum skaddaðir á mænu vegna slysa, 400.000 - 450.000 í löndum Evrópu og um 500.000 - 550.000 í Kína.

• Um 44 - 47% mænuskaða eru afleiðingar umferðaslysa
• Mænuskaði hlýst einnig vegna íþrótta, styrjalda, glæpa, sjúkdóma og vinnuslysa
• Ungir karlmenn eru um 80% þeirra sem hljóta mænuskaða vegna slysa
• Meðalaldur þeirra sem skaddast á mænu vegna slysa er um 20 ár

Að hljóta hryggbrot og skaða á mænu í kjölfarið snýst ekki einvörðungu um að bindast hjólastól. Sá hluti líkamans sem er fyrir neðan skaðann lamast eða starfsemi hans skerðist verulega, s.s. útlímir, innyfli, þvagblaðra, innri og ytri kynfæri. Lungnastarfsemi minnkar eða hverfur hjá hátt lömuðu fólki auk þess sem skynið, sem er viðvörunarkerfi líkamans, hverfur. Þess vegna er mænuskaði einn alvarlegasti skaði sem einstaklingur geta hlótið og hann skilur eftir sig mikla ólæknanlega eyðileggingu.

Helstu ástæður þess hve hægt gengur að ná framförum á mænuskaðasviði:

• Miðtaugakerfið er afar erfitt viðureignar
• Fjárskortur
• Tungumálaörðugleikar og fordómar milli heimshluta